• Pendent tot eth passat an 2021, eth Conselh Generau d’Aran a prestat assisténcia e cooperacion juridica, economica e tecnica as municipis aranesi e, en cas des municipis de mens de 1.000 abitants, a garantit era prestacion des servicis de secretaria e intervencion, damb eth supòrt economic dera Deputacion de Lleida

Eth Conselh Generau d’Aran e era Deputacion de Lleida an tornat a collaborar, un an mès, entà prestar cooperacion e assisténcia tecnica as municipis aranesi per miei deth Plan Especiau de Cooperacion Comarcau dera Deputacion provinciau.

Mejançant aguest Plan, era Diputacion de Lleida a invertit lèu 180.000 euròs entà qu’eth govèrn aranés pogue prestar assisténcia e cooperacion juridica, economica e tecnica as municipis d’Aran, especiaument as de mens capacitat economica e de gestion.

En cas des municipis de mens de 1.000 abitants, aguest Plan de Cooperacion garantís tanben era prestacion des servicis de secretaria e intervencion per miei d’ua dotacion de 42.000 euròs per part dera Diputacion.

Ath delà, era Diputacion provinciau dòte ath Conselh Generau d’Aran de lèu 8.000 euròs entath Programa Hestia de loguer de servicis d’aplicacions de Servicis Sociaus, mès de 19.000 entath Plan economic en airau dera salut, 27.000 en assessorament e supòrt tecnic en matèria de cultura e auviatge e 30.000 en Plan de Redaccion de Projèctes d’Inversion NGEU 2021.