Vielha, 15 d’abriu de 2016.- Es representants deth Conselh Generau d’Aran, participaràn aguesta dimenjada en VIII “Trobada de Fallaires del Pirineu” que se celèbre en Andorra la Vella.

Pendent era amassada, se celebraràn ua seria d’actes e activitats restacades ara activitat fallaire, coma era Taula Redona: “E dempús dera UNESCO … Qué?” A cargue des representants dera Val de Madriu-Perafita-Claror, deth Cant dera Sibil·la dera Seu d’Urgelh, dera Coordinadora Catalana de Colles Castelleres, dera Patum de Berga, deth romànic de la Vall de Boí i de les festes del foc de solstici d’estiu als Pirineus. Era Taula Redona aurà lòc ena Sala d’Actes deth Centre Culturau La Llacuna.

Era amassada començarà eth dissabte peth maitin, damb era reünion deth Comitat Tecnic, e pera tarde era recepcion des participaires, a cargue deth Sindic Generau des Vals d’Andòrra, Vicenç Mateu Zamora e a continuacion ua visita en Conselh Generau, entà fenir era jornada de dissabte damb un concèrt der Orfeon Andorran.

Eth dimenge as 11:00 deth maitin, se celebrarà era hèsta de cultura populara deth Principat d’Andòrra a cargue des entitats de cultura populara deth Principat, ena Plaça Guillemó.

Foto: Andorra.ad