Fòto: eramongetada.com

Pendent er eveniment se promoiràn es productes alimentaris tipics deth territòri

Eth Conselh aufrirà transpòrt entàs participants dera Pedals Era Mongetada

Es pròplèus 31 d’octobre, 1 e 2 de noveme aurà lòc ua naua edicion d’Era Mongetada, era hèsta gastronomica dedicada ara mongeta, producte autoctòn dera Val d’Aran. Pendent es 3 jornades der eveniment se realizaràn tot tipe d’activitats restacades damb eth mon dera gastronomia e tecniques de separacion dera mongeta.

Eth Conselh Generau d’Aran e Foment Torisme Val d’Aran haràn part dera hèsta de manèra activa. Eth dia 1 de noveme en Bossòst, i aurà un Mercat Tradicionau damb mestieraus dera Associacion d’Artesans e Artistes dera Val d’Aran e productors agroalimentaris dera marca de garantia coma era Carnisseria Pedarròs damb eth patè e er andito; Aran de Terra damb era sidra, eth chuc e eth vinagre de poma e era cervesa de Biera Aranesa.

Enguan coma nauetat, Ere Mongetada compdarà damb era celebracion dera Pedals Ere Mongetada entre Salardú e Bossòst. Eth Conselh Generau d’Aran aufrirà eth transpòrt damb autobús entà facilitar eth trasllat des participants.

Foment Torisme Val d’Aran pòrte en tot realizar ua difusion importanta der eveniment pendent eth mes d’octobre, tant en Estat Espanhòu coma en sud de França, entà facilitar era participacion de gent pendent es diferentes jornades der eveniment.

“Era gastronomia ei ua des senhaus d’identitat mès importanta qu’identifiquen ara Val d’Aran. Era Marca de Garantia se harà conéisher en aguest eveniment gastronomic entà promòir-se damb era rèsta de productes participants”, comente era conselhèra de Torisme, Comèrç e Consum, Anna Díaz.