Vielha, 29 de junh de 2017.- Eth Conselh Generau d’Aran a metut a trabalhar ua brigada de sanejament des apròp de cent quilomètres de sendèrs que hèn part deth hilat istoric de rotes de senderisme e BTT dera Val d’Aran. Es trabalhs includissen era neteja e apariament des camins, atau coma des sòns marges e murs de pèira s’ei de besonh e s’alongaràn enquia mejans de junhsèga.

Es trabalhs, amiadi a tèrme per ua equipa d’ua vintea de persones, s’an planificat en foncion des besonhs des diuèrsi eveniments esportius que s’amien a tèrme ena Val d’Aran (caminades, corses, rallis, eca.), dera sua destinacion entàs ermites o “Santets”, e der usatge que les dan es pròpris abitants dera Val d’Aran pendent era sason d’ostiu.

Eth Camin dera Costassa de Betren siguec apraiat abantes dera hèsta deth Taro. Tanben eth Camin d’Aubèrt enta Arròs e eth d’Arres son ja prèst entad ostiu.

D’aguesta forma es camins e sendèrs dera Val d’Aran son ja practicaments prèsti entà que les gaudisquen es senderistes que visiten era Val aguest ostiu.