• Er objectiu principau d’aguest Plan, qu’es ajuntaments e EMDs poiràn aplicar segontes es sòns besonhs e prioritats, ei garantir era regeneracion des peishèus e eth contròtle des poblacions d’arbilhons, atau coma previer eth risc d’incendis fortuits

Eth Conselh Generau d’Aran amièc a tèrme ager era presentacion deth Plan Estrategic de Gestion Sostenibla deth Regim de huec ena Val d’Aran as ajuntamens e EMDs deth territòri.

“Er objectiu principau d’aguest Plan ei era regeneracion des peishèus e eth contròtle des poblacions d’arbilhons entà evitar ua omogeneïzacion progressiva deth paisatge” explicaue eth conselhèr de Territòri, Paisatge e Gestion Ambientau, Oriol Sala, en tot híger que: “d’aguesta forma, arteheram suenhar eth nòste auviatge naturau ath temps qu’evitam eth risc d’incendis fortuits”.

En aguest sens, eth tanben conselhèr de Territòri, Paisatge e Gestion Ambientau, Francés Bruna, explicaue que “aguest Plan prepause ua metodologia pionera entà crear un marc de trabalh transversau e de consens en territòri en relacion ar usatge deth huec, afavorís era resiliéncia des nòstes montanhes e autreje ath nòste còs de Pompièrs un esturment de fòrça utilitat entà actuar deuant un incendi enes sectors especificadi en aguest document”.

Damb aguest estudi, eth Conselh Generau d’Aran aufrís as ajutaments e EMDs un esurment que poiràn aplicar segontes es sues prioritats e es besonhs des sòns municipis.