• Era sindica d’Aran, Maria Vergés, a recebut aguest maitin ar esquiador Alex Puente, eth freerider Aymar Navarro, era ciclista Lydia Iglesias, e era esquiadora de hons, Marta Cester, damb qui eth Conselh Generau manten convènis de patrocini entà balhar-les supòrt economic enes sues carrères esportives e promocionar atau era Val d’Aran coma destinacion esportiva a nivèu internacionau

Aguest maitin, era sindica d’Aran, Maria Vergés, a recebut ena sedença deth Conselh Generau d’Aran as esportistes aranesi Alex Puente, Aymar Navarro, Lydia Iglesias e Marta Cester entà renauir es sòns convènis de patrocini.

“Deth govèrn deth Conselh Generau d’Aran ençà volem balhar-les as esportistes aranesi eth nòste supòrt entà que contunhen artenhent exits ena sua trajectòria esportiva, frut d’un gran esfòrç, dedicacion e comprmís” explicaue era sindica d’Aran, en tot híger que: “Alex, Aymar, Lydia e Marta, per miei d’aguesti convènis, promocionen era Val d’Aran coma destinacion esportiva a nivèu internacionau, çò qu’ei tot un orgulh entath nòste territòri”.

Mès enlà d’aguesti convènis de patrocini, ei de besonh rebrembar qu’eth Conselh Generau d’Aran compde damb ua linha d’ajudes destinada as esportistes estudiants dera Val d’Aran, ua bèca dirigida a joeni esportistes d’entre 12 e 22 ans que cerque motivar era contunhitat dera sua carrèra esportiva ath viatge que seguissen damb es sòns estudis.