• Damb eth renauiment d’aguest acord, eth Conselh Generau da continuitat ath plaçament d’aguesti burèus en Vielha, un servici basic e de besonh entara ciutadania dera Val d’Aran

Eth Conselh de Govèrn deth Conselh Generau d’Aran a aprovat eth convèni damb era Agéncia Tributària de Catalunya entath plaçament des burèus d’atencion ath public d’aguest organisme en Vielha (Carrèr Major, 36).

D’aguesta forma se da continuitat ath convèni de collaboracion signat en 2017 e qu’auie ua durada de quate ans, peth quau eth Conselh Generau met a disposicion dera Agéncia un espaci dera sua titularitat entà prestar un servici basic e de besonh entara ciutadania dera Val d’Aran.