Eth sindic d’Aran, Carlos Barrera, e era responsable deth Centre Juvenil i Esplai Aran-Thal, Cristina Riu, an signat un convèni qu’establís era collaboracion economica deth Conselh Generau d’Aran entàs colònies d’ostiu 2016 d’aguest centre.

Eth Centre Juvenil i Esplai Aran-Thal realize, des de hè fòrça ans, ues colònies entàs joeni dera Val d’Aran que compden damb un centenat de participants.

En paraules deth sindic d’Aran, Carlos Barrera, “eth Govèrn d’Aran reconeish era capacitat e era experiéncia demostrades aguesti ans per part deth Centre Juvenil i Esplai Aran-Thal entara organizacion d’aguest tipe d’eveniments, en tot considerar-lo era entitat mès premanida entara realizacion d’aguestes activitats en ambit d’Aran”.

Vielha, 8 d’agost de 2016

Conselh Generau d’Aran: Núria Sanjuan