• Aguesti pannèus, plaçadi en diuèrsi punts dera Val d’Aran, an coma objectiu dar a conéisher era aucupacion d’Aran peth Maquis entre eth 19 e eth 29 d’octobre de 1944 coma part dera falhida “Operacion Reconquista d’Espanha”, dirigida peth partit comunista espanhòu en exili entà establir era sedença d’un govèrn republican e hèr a quèir ath dictator

Eth Conselh Generau d’Aran a amiat a tèrme era reposicion e reparacion dera senhalizacion des espacis deth Memoriau Democratic dera Val d’Aran, creadi entre es ans 2010 e 2011 damb er objectiu de dar a conéisher er episòdi mès destacat dera luta armada contra eth regim de Franco, que siguec era ocupacion d’Aran peth Maquis entre eth 19 e eth 29 d’octobre de 1944.

Aguesta operacion, que recebec eth nòm de “Operación Reconquista de España”, siguec dirigida e planejada peth partit comunista espanhòu en exili e consistic ena entrada de milèrs de guerrilhèrs espanhòus des de França, damb er objectiu d’aucupar era Val d’Aran e establir en Vielha era sedença d’un govèrn republican, en tot provocar era queiguda deth dictator damb un suslhevament popular e era previsibla ajuda des poténcies aliades.

Totun, sense auer artenhut cap d’aguesti objectius, dempús de nau dies d’aucupacion, se vederen obligadi a retirar-se.

Era actuacion de renauiment dera senhalizacion a compdat damb eth supòrt economic dera Direccion Generau de Memòria Democratica deth departament de Justícia, Drets e Memòria dera Generalitat de Catalunya e er  Institut d’Estudis Ilerdencs de la Diputació de Lleida.