Eth govèrn deth Conselh Generau d’Aran a enviat a restaurar “Era Querimònia” des der Archiu Generau d’Aran ath Centre de Restauracion de Béns Mobles de Catalunya (CRBMC) en Valldoreix.

Eth document d’Era Querimònia siguec autrejat peth rei Jaime II en 1313 e en eth s’arremasen determinats drets consuetudinaris acceptats o modificats peth monarca.

En paraules deth cap de Cultura e Patrimòni d’Aran, Jèp de Montoya, “actuaument eth document presènte lordèra generalizada: ei ressec, a arrupes e plegs, tanben a taques de diuèrsa naturalesa, pèrtes de supòrt e restauracions antigues que provoquen tension en supòrt.”

“Pendent eth procés de restauracion e digitalizacion deth document se procedirà ara realizacion d’un video de difusion, qu’arremassarà es donades istoriques e archivistiques que viren ath torn dera Carta Magna aranesa” a hijut eth sindic d’Aran, Carlos Barrera.

Aguesti trabalhs an estat promoiguts peth Conselh Generau d’Aran e peth Departament de Cultura dera Generalitat de Catalunya.