Vielha, 7 de setembre de 2018.- Eth Conselh Generau d’Aran a signat un convèni de collaboracion entà aderir-se ara naua Plataforma Virtuau d’Aucupacion impulsada per GLOBALleida.

Aguest convèni permeterà compartir era naua plataforma que a coma objectiu convertir-se en un estrument de gestion e melhora des servicis e programes aucupacionaus qu’es entitats collaboradores considèren avientes desvolopar entà melhorar era aucupacion des persones deth territòri, en tot cooperant e compartir informacion e recorsi.

Era plataforma nèish coma resultes d’un estudi entà identificar es servicis aucupacionaus basics des conselhs comarcaus, Conselh Generau d’Aran e ajuntaments dera província de Lhèida e avalorar es possibilitats de cooperacion e gestion comuna.

Era Plataforma Virtuau d’Aucupacion a es següentes foncionalitats:

• Disposar d’un programa informatic entà gerir es projèctes, programes e accions des entitats locaus.
• Impulsar era qualitat des servicis d’aucupacion locau.
• Melhorar l’atencion as persones era recèrca de trabalh e emprenedoria.
• Auer accès a ua borsa de trabalh
• Hèr difusion des servicis e programes d’aucupacion que se realizen
• Aufrir as persones era possibilitat de gerir era sua trajectòria professionau (interèssi formatius, elaboracion deth curriculum, enregistres d’inscripcion a aufèrtes de trabalh)
• Aufrir as entitats locaus ua plataforma entà hèr difusion dera sua formacion: agenda compartida, preinscripcion a on-line.
• Disposar d’un sistèma d’informacion comuna entre es entitats aderides entà gerir projèctes e/o programes d’aucupacion cooperativa.
• Aufrir formacion es competéncies e abiletats personaus e professionaus a demandantsd’aucupacion e/o persones era recèrca activa de trabalh.
• Melhorar era qualificacion professionau deth personau tecnic que trabalhe er es airaus de promocion economica e aucupacion mejançant era realizacion de jornades, formacion e/o escambi d’experiéncies.