• Damb motiu deth 20au Dia Internacionau de Conscienciacion deth Tapatge, eth Departament d’Agricultura, Ramaderia e Medi Naturau deth Conselh Generau d’Aran a travès dera Direccion Generau de Qualitat Ambientau (DGQA) organize eth 29 d’abriu ua jornada de mesuraments massius de tapatge damb eth títol “Viui damb tapatge?”.

Era jornada consistirà en implicar ajuntaments, entitats collaboradores (EAC e EPCA), engenharies e consultories acostiques, entitats ambientaus, centres escolars e ciutadania, pr’amor qu’amien a tèrme mesuraments de tapatge en tota sòrta d’endrets: parcs, jardins, zònes de transit de veïculs, zònes urbanes, eca.

Mès que d’anar a cercar situacions de conflicte damb nivèus nauti de tapatge, se tracte de familiarizar ara poblacion damb es metodologies de mesura, es nivèus, era nòrma existenta o eth significat e era percepcion dera escala en dB.

Mejançant era Guida de mesurament Noise Watch se pòt hèr un mesurament damb un smartphone, mejançant era aplicacion entà mobila NoiseWatch, e a plaçar-lo en mapa. Era DGQA arrecuelherà totes es donades que se publiquen enes hilats sociaus e elaborarà un mapa en format KML de Google Earth, consultable a trauès d’aguesta aplicacion.

Fin finau, se harà un tractament estadistic e cartogràfic dera informacion arrecuelhuda e se’n publicarà un resumit damb es donades de participacion ena jornada deth Dia Internacionau de Conscienciacion deth Tapatge.

#diasoroll