Aguest dimenge, dia 10 de mai, eth Conselh Generau d’Aran se some de nau ara accion “Let’s Clean Europe”, ua accion comuna en tota Euròpa entà hèr préner consciéncia sus era quantitat de residus que lançam de forma incontarotlada ara natura e promòir era arremassada d’aguesti residus abocadi illegauments as bòsqui, marges de rius …

Per açò, eth Conselh Generau d’Aran, a trauès deth sòn Departament d’Agricultura, Ramaderia e Medi Naturau, a organizat damb era collaboracion dera Agéncia Catalana de Residus ua operacion de neteja populara en camin dera Ièrla dera Canaula, enes marges der arriu Garona (Pontaut), entà sensibilizar en tèmes miei ambientaus, e mès concrètaments, sus es problèmes des residus e dera neteja.

LET’S CLEAN EUROPE- VAL D’ARAN – Eth melhor residu ei aqueth que non se genère!

Data: 10/05/2015
Orari: de 10h a 13h
Punt d’amassada:

– 9:45h en Conselh Generau d’Aran (Passeg dera Libertat 16, 25530 Vielha)

– 10:00h ena entrada deth camin dera Ièrla dera Canaula per Pontaut.

Inscripcions: En Conselh Generau d’Aran (973 64 18 01) o enviant un corrèu electronic a c.madruga@aran.org damb eth nòm, edat, mail e telefòn de contacte.

Recomanacions entàs participants: Se recomane portar ròba e cauçat comòde (sabata barrada) e guants de trabalh/jardiner e en foncion dera meteorologia, casqueta e crèma solara.

VOS I DEMORAM!!