• Eth camin senhalizat a un desnivèu de 765m e 3.000m de recorregut.

Dejà s’an executat es òbres de senhalizacion orientatiua e plaçament deth cable de supòrt entà garantir ua major seguretat entàs usatgèrs que decidisquen utilizar era ruta aranesa tar Aneto a trauèrs de Còth deth Hòro e pas des aranesi.

Aguest equipament cònste de 20 pilones e punts de senhalizacion verticau damb ua marca de pintura reflectant de color auriò entà facilitar era sua visualizacion en cas de broma o net. Er anclatge deth cable s’a hèt enes trams a on eth terren ei de ròca e a mès desnivèu.

Tanben en aguesti moments s’està bastint era hòssa sèptica e er espaci de besonh entara ubicacion dera microturbina idraulica que produsirà 6KW entar enlumenat dera ampliacion deth refugi deth plan dret que s’a de bastir ena primauèra deth 2016.

Aguestes òbres an compdat damb ua inversion d’11.000€ era senhalizacion de Còth deth Hòro e 132.000€ era hòssa sèptica, era microturbina e era canalizacion dera aigua deth barranc de Pomèro enquiara microturbina.