• A compdar d’aué e enquiath pròplèu 12 de seteme, visitants e vesins dera Val d’Aran poiràn gaudir d’aguestes rotes guidades de dues ores pes lòcs mès emblematics des diuèrsi pòbles aranesi en tot descobrir-ne toti es sòns encants

D’aué, 21 de junhsèga, enquiath 12 de seteme, eth Conselh Generau d’Aran, a trauès de Foment Torisme Val d’Aran, torne a aufrir es rotes guidades “Cornèrs d’Aran”. Ua iniciativa entà meter en valor es nòsti pòbles e descobrir es sòns cornèrs mès polits e emblematics, atau coma eth sòn passat ocult, es relats e legendes qu’amaguen, es tradicions, curiositats e molt mès!

Pendent aguestes visites, que s’amien a tèrme a trauès de 7 empreses de guides deth territòri, se pòden conéisher en pregonditat endrets coma Beret, Unha, Tredòs, Bagergue, Vielha, Les, Bossòst, Es Bordes, Betren e Gessa. Es recorreguts, damb places limitades a 12 persones e damb resèrva per auança, an lòc de deluns a dimenge damb oraris de gessuda diferents entàs 17:00 e es 21:00 ores.

Entà participar-i sonque ei de besonh inscriuer-se a trauès dera plataforma digitau abilitada.