• Enguan, per prumèr còp, “Cornèrs d’Aran” s’aufrís pendent eth mes de junh, en tot ampliar e desestacionalizar atau era aufèrta toristica deth nòste territòri enes mesi damb mens afluéncia toristica, ath madeish temps que se met en valor era fauna e flora dera Val d’Aran, era nòsta istòria, tradicions e auviatge a trauès de diferents recorruts pes pòbles aranesi

Pendent tot eth mes de junh, eth Conselh Generau d’Aran, a trauès de Foment Torisme Val d’Aran, torne a aufrir es rotes guidades “Cornèrs d’Aran”, ua iniciativa entà méter en valor er auviatge naturau, istoric e culturau deth nòste territòri.

Enguan, per prumèr còp, aguest producte s’aufrís dehòra dera tempsada de més afluència der ostiu (finals de junhsèga e agost), en tot ampliar atau era nòsta aufèrta toristica pendent eth mes de junh.

Damb aguestes visites, que s’amien a tèrme a trauès de disparières empreses de guides deth territòri, s’apròpe era realitat dera Val d’Aran as visitants, en tot meter en valor era nòsta fauna e flora, era nòsta istòria, tradicions e auviatge a trauès de diferents recorruts pes pòbles aranesi.

Eth prètz d’aguestes rotes, aptes entà toti es publics, ei de 10 € entàs adults e 5 € entà menors d’entre 5 e 11 ans. Ei de besonh reservar damb auança en tot telefonar ath telefon que faciliten es empreses repsonsables des activitats e portar aigua e sabates comòdes entà caminar.