• Es naues installacions s’an adequat tà foncionar damb energia renovable ath delà era intervencion a servit entà adaptar er espaci ara normativa actuau mercada pera Agéncia de Residus dera Generalitat de Catalunya.

Era sindica d’Aran, Maria Vergés, amassa damb eth conselhèr de Gestion Ambientau e Transicion Energetica, Oriol Sala, an visitat es trebalhs realizadi en tarcumèr de Gessa. Eth govèrn d’Aran a amiat a tèrme era  adequacion der espaci pr’amor que se trapaue en fòrça mau estat e l’a adaptat ara normativa mercada pera Agéncia de Residus dera Generalitat de Catalunya.

Es naues installacions s’an adequat tà foncionar damb energia renovable, e es òbres de milhora  an consistit en apariament deth barratge existent, eth cambi dera pòrta d’accés ath recinte e era implantacion d’ua bascula que permet, autant as usatgèrs domestics coma as grani productors, pesar es residus ena entrada. Tanben s’a bastit ua caseta entath personau des installacions, un airau de servicis e un generador electric.

Es oraris de dubertura s’a ampliat de deluns a diuendres de 8:30 a 13:00 ores e es dissabtes de 9:00 a 13:00 ores e de15:00 a 18:00 ores.

Vielha, 20 de gèr 2025