• Eth govèrn d’Aran a invertit 98.000€, a trauès d’un ajut deth Departament de Territòri dera Generalitat, ena melhora dera carretèra d’accès ath pòble de Canejan, ara que se higeràn es trabalhs qu’er Ajuntament d’aguest municipi a previst amiar a tèrme en aguest accès

Era sindica d’Aran, Maria Vergés, e eth conselhèr d’Infraestructures e Servicis, deth Conselh Generau d’Aran, Jose Luis Boya, visitauen aguesta passada setmana es òbres de milhora deth paviment der accès rotèr entà Canejan qu’eth govèrn d’Aran a amiat a tèrme.

Es òbres an consistit en refortir eth fèrm, qu’ère erosionat e qu’auie de besonh un refòrç. Uns trabalhs que non an afectat eth nucli urban e qu’an de servir entà milhorar era foncionalitat dera via e tanben es condicions de seguretat deth transit arroderat der accès pera N-230, qu’a ua longada d’uns 850 mètres. Aguesta accion a consistit ena pavimentacion damb aglomerat asfaltic en caud entà assolidar eth camin, recuperar era superfícia transitabla enes susamplades e milhorar era seguretat dera circulacion ath long de tota era via.

Es trabalhs an auut un còst totau de 98.392,90 euros as qu’er ajuntament de Canejan i a hijut, en ua partida annèxa, 18.000 euros entà alongar eth tram pavimentat previst d’inici laguens deth projècte iniciau.

Vielha, 15 d’octobre de 2024