• Entà desvolopar aguesta enquèsta prèvia ath protocòl, que se realize amassa damb er Observatòri Noctámbul@s, ei de besonh era participacion e implicacion des agents sociaus, educatius, sanitaris e de seguretat deth mon deth léser, atau coma entitats e associacions, e dera ciutadania en generau

 Era Agéncia Catalana de Joenessa, a trauès der Observatòri Noctámbul@s impulse ua iniciativa ara qu’eth Conselh Generau d’Aran s’a hijut, entà dessenhar un protocòl d’abordatge des violéncies sexuaus enes espacis de léser.

Entara redaccion d’aguest Protocòl, ei de besonh elaborar un diagnostic entà conéisher quines son es dinamiques de léser deth territòri, atau coma entà auer informacion sus era percepcion e viuences sus era violéncia sexuau en aguesti espacis. Pr’amor d’açò, en prumèr lòc se realizarà ua enquèsta digitau (totaument anonima), que serà disponible pendent un mes, ena que serà de besonh era maxima participacion dera ciutadania.

Atau madeish, aguest protocòl e era pròpria enquèsta tierà en compde tanben es cambis que se produsiran en aguest encastre pr’amor dera crisi deth COVID-19, e que pòden condicionar era forma de consumir e gaudir deth léser.

Entà iniciar aguest procès participatiu er airau de joenessa deth Conselh Generau d’Aran contactarà damb es diuèrsi agents sociaus, educatius, sanitaris e de seguretat deth mon deth léser, atau coma es entitats e associacions e era e ciutadania e joenessa aranesa en generau. Entà participar de forma activa enes pròplèu accions entath Protocòl de hèstes liures d’agressions sexuaus, se pòt contactar a trauès deth corrèu electronic joenessa@aran.org.