• En tot seguir es indicacions deth Departament de Salut dera Generalitat, es professionaus sanitaris d’Aran Salut realizaràn aguesti dies pròves antigeniques volontàries as persones que formaràn part des meses electoraus aguest dimenge, 14 de hereuèr, enes eleccions autonomiques

A compdar d’aué e enquia aguest diuendres, eth Conselh Generau d’Aran, en tot seguir es indicacions deth Departament de Salut dera Generalitat de Catalunya, realizarà pròves d’antigens as persones que conformaràn es meses electoraus aguest dimenge, 14 de hereuèr, enes eleccions autonomiques de Catalunya.

Eth personau sanitari der Espitau Val d’Aran, en tot consultar eth cens electorau, s’a metut en contacte damb es membres des meses e realizarà aguestes pròves as persones qu’atau ac volguen, en tot comprovar que non siguen afectades peth virus e minimizar eth risc de possibles contagis.