Vielha, 7 de junh de 2019.- Eth Conselh Generau d’Aran a realizat ua intervencion de Melhora der entorn dera Plaça deth Taro d’Arties.

Era accion a anat a cargue des Servicis Tecnics deth Conselh Generau d’Aran a trauès d’ua subvencion dera Deputacion de Lhèida qu’a finançat eth 100% dera intervencion per un impòrt de 18.000 €.

Es òbres an consistit en desmontatge dera barana de husta e transpòrt de materiau ena deisalheria, excavacion entà her era basa dera escolhèra, preparacion deth terren e bastiment dera escolhèra, ath delà deth forniment, bastiment e situacion deth paviment damb empèires de granit sus tèrra formigonat. Fin finau tanben s’a procedit ara installacion electrica deth Taro.