• Eth Conselh Generau a aprovat un convèni entà qu’es ajuntaments de Bossòst, Les e Naut Aran entà establir un mecanisme de finançament d’aguest tipe d’activitats en aguesti municipis

Eth govèrn deth Conselh Generau d’Aran a aprovat per Conselh de Govèrn eth convèni de collaboracion damb es ajuntaments de Bossòst, Les e Naut Aran entà establir un mecanisme de finançament des activitats entara joenessa que se realizen en aguesti municipis, damb era intencion de poder establir aguest mecanisme ena resta de municipis d’Aran.

Eth Conselh Generau, a traués dera Oficina de Joenessa, impulse diferents projèctes entath desvolopament de politiques que servisquen entath desvolopament e creishement des nòsti joeni e joenes.

Entre es projèctes de futur deth govèrn aranés en aguest airau, se trabalhe dejà en trapar ua solucion ara problematica dera viuenda entà poder promòir era emancipacion des joeni en Aran. Tanben s’a molt en compde implantar mesures que permeten retornat eth talent des nòsti joeni un còp an acabat es sòns estudis, atau coma ajudar-les a empréner enes sòns pròpris negòcis.