Eth Conselh Generau d’Aran a destinat pròp de 5.000 èuros entà adequar e condicionar era carretèra deth terçon de Lairissa, qu’afècte ar accès d’Arró.

Damb aguesta actuacion, eth Govèrn aranés a mielhorat eth drenatge, a consolidat era explanada e er eishamplament, a estabilizat es talussi, a refortilhat eth paviment e lo a rebastit, en tot garantir era seguretat viau dera carretèra locau. S’a respectat eth traçat actuau dera via, mès s’a mielhorat era visibilitat des trams mès dangerosi.

En paraules deth conselhèr de Governacion d’Aran e de Lairissa, Frances Medan, “aguesta actuacion a dat ua solucion ath tram mès complicat dera entrada dera carretèra d’Arró, e permeterà qu’es vesins, mielhoren de forma substanciau era sua seguretat en es sòns trajectes diaris”.