Eth cors ei adreçat a toti es agents toristics deth territori que volguen ampliar eth coneishement deth miei naturau dera Val d’Aran, damb er objeciu de milhorar era sua capacitat d’informar e d’interpretar es bens d’interès naturau dera Val d’Aran.

Eth Departament de Miei Naturau deth Conselh Generau, per miei dera Escòla de Tecnics Esportius dera Val d’Aran (ETEVA), aufrís un cors d’interpretacion deth patrimòni naturau aranés pendent era setmana deth 9 ath 13 de junh. Era preinscripcion se pòt efectuar enquiath deluns, dia 9 de junh.

Era realizacion e superacion deth cors generarà obtier un diplòma autrejat peth Departament de Miei Naturau deth Conselh Generau.

Eth cors aurà ua durada de 20 ores e se realizarà pendent es dies 9, 10, 11, 12 e 13 de junh, en orari de tarde (de 16h00 a 20h00). Es classes teoriques s’impartiràn ena ETEVA e se haràn gessudes practiques pera Val d’Aran.

Tà mès informacion, se pòt trucar entath 973 64 18 01 o en mail: c.madruga@aran.org.

Capacitats e critèris d’avaloracion

1. Conéisher es espaci e recorsi naturaus dera Val d’Aran entà poder trasladar-la de forma atractiva a d’auti colectius, ja siguen toristes, visitants …

2. Relacionar eth coneishement generau sus geologia e geografia fisica e biologica damb era realitat naturau d’Aran e era sua contextualizacion.
a. Descríuer es conceptes, hèts e fenomens mès caracteristics dera geologia dera geografía fisica e biologica en Aran.
b. Identificar sus eth terren es diferents fenomens e hèts fisics e biologics.
a. Justificar eth besonh de conéisher era geologia e geografia fisica e biologia en exercici dera transmision de coneishement ja sigue coma activitat professionau, de léser o educativa.

3. Conéisher es princiaus mieis de proteccions deth patrimoni naturau a nivèu internacionau, estatau, regionau e locau, e es peculiaritats der entorn naturau en Aran.
a. Distingir es diferenti tipes de patrimoni naturau e descríuer es principaus medis de proteccion ambientau a toti es nivèus.
b. Identificar es organismes responsables des politiques de proteccion deth patrimoni naturau
c. Identificar e explicar es caracteristiques e peculiaritats fisiques des espacis naturaus en Aran.
d. Identificar e principaus espècies animaus e vegetaus en Aran.
e. Justificar eth besonh dera practica d’un torisme responsable coma miei de manteniment e conservación deth patrimoni naturau.

Contenguts e professorat

1. Geologia e Geografia fisica d’Aran
(a cargue de Jordi Gavaldà)
a. Introduccion ara Geologia der Aran
b. Geomorfologia: Es glaciacions e eth relleu
c. Accidents geografics e eth hilat hidrologic
d. Principaus punts d’interés geologic
e. Es recursi naturaus (mineria, ròques ornamentaus, termalisme)
f. Er hilat de camins, rotes (senderisme, btt) e activitats esportiues (barrancs, espeleo, escalada, ferrates,…).

2. Patrimoni naturau en Aran
(a cargue de Sara Arjò e es aspectes legaus a cargue de Nuria Escobar)
a. Ecosistemes principals de l’Aran
b. Espècies animaus e vegetaus destacats en Aran. Proteccion
c. Peculiaritats mès relevants deth patrimoni naturau en Aran.
d. Aspectes legaus
e. Espacis Naturaus e niveus de proteccion en Aran
f. Restauracion en conservación
g. Es recorsi toristics naturaus
h. Sostenibilitat e torisme responsable, certificat Biosphere destination

3. Informacion entà visites guidades en espacis naturaus.
(a cargue de Jordi Gavaldà e Sara Arjò)
a. Era interpretacion deth patrimoni naturau. Principis e objectius. Interpretacion e torisme.
b. Mieis d’interpretacion