Eth departament de Salut confirme ath Conselh Generau era preséncia dera variant britanica dera COVID-19 en Aran

hereuèr 23, 2021 Govèrn, Sanitat

  • Segontes er informe epidemiologic emetut peth departament de Salut, basat en 24 mòstres de pacients positius per COVID-19 ena Val d’Aran eth darrèr mes, eth 92% d’aguesti casi corresponen ara variant britanica

Peth moment, eth Conselh Generau d’Aran desconeish eth nombre exacte de mòstres seqüenciades, mès segontes er informe recebut per part deth Departament de Salut dera Generalitat, 22 des 24 seqüenciacions amiades a tèrme deth 25 de gèr ençà corresponen ara variant britanica deth virus. Era preséncia d’aguesta variant, fòrça mès contagiosa, explicarie, en part, eth notable aument de casi qu’a experimentat eth territòri pendent es darrères setmanes.

Comments are closed.