Foto d’archiu der esbauçament dera carretèra de Canejan eth passat mes de hereuèr .

Eth Departament de Territòri e Sostenibilitat dera Generalitat de Catalonha a confirmat era concession dera subvencion de 100.000€ demanada peth Conselh Generau d’Aran entà apraiar er esbauçament dera carretèra de Canejan deth passat mes de hereuèr.

Aguesta subvencion gestionada peth sindic d’Aran, Carlos Barrera, va destinada ar Ajuntament de Canejan que, coma titular dera carretèra, a de licitar es òbres d’acòrd damb era memòria redactada pes Servicis Tecnics deth Conselh Generau d’Aran.

Er Ajuntament de Canejan aurà de hèr toti es tramits administratius de recepcion e destinacion d’aguesta subvencion.

Eth sindic d’Aran, Carlos Barrera, a manifestat “estongui fòrça satisfet d’aguest modèu de collaboracion entre administracions: Conselh Generau d’Aran, Govern dera Generalitat, Ajuntaments d’Aran”.

Eth pròplèu dia 22 d’abriu eth sindic d’Aran, Carlos Barrera, s’amassarà damb eth conseller de Territòri e Sostenibilitat dera Generalitat de Catalonha, Santi Vila, entà barrar eth compromís de finançament des autes actuacions ena rèsta dera carretèra, avalorades en 150.000€.

Contunham trebalhant entath nòste país.