Eth drapèu catalan e eth d’Aran presidiràn a compdar d’ara es amassades que se hèsquen ena sala dera Mesa dera cramba. Eth sòn organisme rector ac acordaue ena amassada deth 10 de seteme, a prepausa deth president, Josep Rull, que manifestaue que “eth plaçament des dus drapèus ei en reconeishença ara realitat plurinacionau de Catalonha e ara singularitat d’Aran”.

Er Estatut d’Autonomia de Catalonha establís qu’es sòns ciutadans e institucions “reconeishen Aran com ua realitat occitana dotada d’identitat culturau, istorica, geografica e lingüistica, defenuda pes aranesi ath long des sègles e reconeish, empare e respècte era singularitat deth territòri” laguens de Catalonha.

Era decision dera Mesa de plaçar eth drapèu aranés respon ara volontat de visibilizar eth compromés dera maxima institucion der autogovèrn catalan damb era Val d’Aran, d’acòrd damb er Estatut de Catalunya e era Lei d’Aran, aprovada peth Parlament en 2015, que reconeish era singularitat deth territòri damb personalitat juridica pròpria e plea capacitat e autonomia.