Es aranesi deth Club d’Esquí Emotion e membres tanben deth Programa de Pretecnificacion de Freeride en Centre Especializat ena Tecnificacion Esportiua d’Espòrts d’Iuèrn dera Val d’Aran (CETEI), Abel Moga, Pòl Tellosa e Jusep Capel heren un papèr incresible.
Era setmana que ven participaràn en Freeride Junior Tour de Chamonix 3*, a on i seràn es melhors freeriders júniors deth mon.
Era dimenjada passada se celebrèc eth Freeride Junior Tour eth Dorado de 2 esteles (2*), es aranesi deth Club d’Esquí Emotion e membres tanben deth Programa de Pretecnificacion de Freeride en Centre Especializat ena Tecnificacion Esportiua d’Espòrts d’Iuèrn dera Val d’Aran (CETEI), Abel Moga, Pòl Tellosa, Jusep Capel e es catalans, Jordi Riba e Axel Joaniquet, heren un papèr incresible.
Abel Moga.
Es condicions èren fòrça malaisides e mès de dus tèrci des participaires sofriren casudes e es nòsti riders anauen dispausadi a dar eth melhor d’eri madeishi e non se liurèren tanpòc des casudes, mès demostrèren qu’eth freeride aranés cada còp ei mès naut.
Pòl Tellosa.
Era equipa liderada peth rider e entrenador Cristian Boiria, pòrte mès de 8 ans en tot entrenar en aguesta disciplina e enguan er objectiu ei un, guanhar eth circuit deth Freeride Junior Tour. Era setmana que ven participaràn en Freeride Junior Tour de Chamonix 3*, a on i seràn es melhors freeriders júniors deth mon.
Es pròplèus competicions seràn en Piau Engaly 1*, Val Thorens 2*, La Rossiere 2* e Verbier 3*.
Eth Centre de Tecnificacion Esportiua d’Espòrts d’Iuèrn dera Val d’Aran, estacat ara Reiau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), a coma objectiu ajudar ara progression de joeni promeses e velhar pera sua formacion integrau. Eth Conselh Superior d’Espòrts dèc eth vist e platz ara creacion deth Centre Especializat ena Tecnificacion Esportiua d’Espòrts d’Iuèrn dera Val d’Aran, impulsat peth Conselh Generau d’Aran qu’ac gerís.
Link video:
https://www.facebook.com/escuelaemotionbaqueiraberet/?ref=hl
Mès informacion: www.escuelaemotion.com
Vielha, 29 de gèr de 2016
Conselh Generau d’Aran: Núria Sanjuan