Aymar, acabèc 6au ena prumèra competicion dera sason deth Freeride World Qualifier (FWQ) que se disputèc era setmana passada en Soïssa

En circuit FWQ, er aranés participe damb es melhors riders deth mon

Eth freerider aranés, Aymar Navarro Combalié, se desplacèc entà Soïssa era setmana passada entà participar en circuit Freeride World Qualifier (FWQ) damb es melhors riders deth mon.

Aymar, artenhec en Soïssa era 6au posicion ena prumèra competicion deth FWQ dera sason.

Era pròplèu cita deth FWQ, ena quau serà present er aranés, serà en Àustria, deth 30 de gèr ath 5 de hereuèr, en “Swatch Freeride World Tour 2015 Fieberbrunn Kitzbueheler Alpen by The North Face”.

Aymar Navarro, signèc un convèni damb eth Conselh Generau d’Aran entà promòir era destinacion toristica esportiua Val d’Aran peth mon, representada ena imatge e enes valors deth freerider. “Qui melhor qu’es nòsti joeni esportistes professionaus aranesi entà representar eth nòste país e eth sentiment d’identitat” manifestèc Carlos Barrera, sindic d’Aran.