• Pendent era reünion s’a acordat era creacion d’ua Comission entà trabalhar amassa Foment Torisme Val d’Aran e eth Grèmi d’Ostalaria dera Val d’Aran

Eth sindic d’Aran, Carlos Barrera, amassa damb era conselhèra de Torisme e Desvolopament Economic d’Aran, Anna Díaz, an arrecebut ara naua Junta Directiva deth Grèmi d’Ostalaria d’Aran, que resultèc des passades eleccions deth mes de junhsèga.

Eth president dera naua Junta deth Grèmi, Ambrós Barberà, a comunicat ath Govèrn d’Aran era intencion de trabalhar amassa damb Foment Torisme Val d’Aran.

Pendent era reünion ambdues entitats an acordat crear ua Comission damb membres de Foment Torisme Val d’Aran e dera Junta deth Grèmi entà trabalhar pendent tot er an.

Aguest madeish mes d’agost ei previst era prumèra Comission de trabalh.