Vielha, 24 d’octobre de 2017.- Eth Conselh Generau d’Aran e era Obra Social “La Caixa” an signat aué ena sedença deth Conselh Generau d’Aran un convèni de collaboracion entara realizacion de melhores en Centre d’Aucupacionau dera Val d’Aran e era Residéncia Geriatrica Sant Antoni de Vielha.

Era aportacion que realizarà era Obra Social “la Caixa” de 20.000 €, anarà destinada per ua part ara melhora dera codina, cambi de persianes enes aules e entara melhora dera gessuda ar exterior dera terrassa deth Centre Aucupacionau (ADDA), e per auta entath cambi des bancs exteriors dera Residéncia St. Antòni.

Tanben s’a visitat er airau de Conangles apariat en an 2016 laguens deth convèni entre era Deputacion de Lhèida e era Obra Social “la Caixa” entara preservacion e difusion des valors naturaus.

Dempús dera signatura deth convèni, es representants deth Conselh Generau d’Aran e de CaixaBank an visitat es installacions deth Centre d’Aucupacionau en Vielha acompanhadi pera sua directora.

Tanben s’a visitat ua des accions realizades pendent 2016 laguens deth projècte “Recuperacion d’Airaus Naturaus ena Val d’Aran” que siguec finançat en àmbit deth convèni entre era Deputacion de Lhèida e era Obra Social “la Caixa “entara preservacion e difusion des valors naturaus.

Aguesta accion supausèc era melhora de cinc airaus naturaus, entre eres era de Conangles, qu’ei er airau que s’a visitat aué.

Es representants d’ambdues institucions an manifestat qu’ei important mantier era collaboracion estreta entre ambdues entitats, dat que permet “melhorar e contribuïr ath progrès des persones e era societat, damb especiau incidéncia enes collectius mès vulnerables”.

Eth Sr. Joaquim Macià, director d’Institucions dera Direccion Territoriau de CaixaBank en Catalonha, a arrebrembat qu’ena Obra Social “la Caixa” contunham en tot trabalhar entà arténher ua societat damb mès oportunitats, en tot impulsar iniciatiues sociaus, en tot invertir en investigacion e educacion e en tot difóner era cultura e era sciéncia. E tot açò, entà seguir en tot ajudar que mès ac an de besonh”.