• Eth projècte, que se trape ena fasa d’avaloracion, cònste en senhalizar er accès ath Tuc deth Montlude de 2518m de nautada e poderà éster accessible des de Canejan, Les, Bossòst, Arres o Vilamòs.
Eth sindic d’Aran, Carlos Barrera, damb eth conselhèr de Territòri d’Aran, Jose Antonio Boya, era conselhèra de Torisme e Desvolopament Economic d’Aran, Anna Díaz, eth conselhèr d’Agricultura, Ramaderia e Medi Naturau d’Aran, Jose Enrique Arró e eth tecnic del Conselh Generau d’Aran, Jordi Gavaldà.
Eth Conselh Generau d’Aran, mejançant era conselheria de Territòri, està dessenhant ua naua aufèrta d’activitat de montanha entath Baish Aran e Irissa.
Eth projècte, que se trape ena fasa d’avaloracion, cònste en senhalizar er accès ath Tuc deth Montlude de 2518m de nautada e poderà éster accessible des de Canejan, Les, Bossòst, Arres o Vilamòs.
En paraules deth conselhèr de Territòri d’Aran, Jose Antonio Boya, “des de cadun d’aguesti pòbles se senhalizarà eth camin d’accès ath Montlude aguest ostiu e eth Conselh Generau d’Aran e er Ajuntament de Bossòst collaboraràn ena recuperacion deth camin de Margalida que se poderà utilizar entà iniciar aguesta rota des dera madeisha poblacion.Tanben calerà compdar damb era collaboracion des auti Ajuntaments entà que s’impliquen, amassa damb eth Conselh Generau d’Aran, ena limpiesa de beth un des camins tradicionaus qu’actuauments son fòrça emboscadi”.
Era senhalizacion d’aguest projècte anarie a cargue deth Conselh Generau d’Aran que tanben participarie ena recuperacion e limpiesa des camins.
“Era panoramica que se pòt divisar des deth Tuc deth Montlude ei fòrça espectaculara e d’ua grana beresa” a manifestat era conselhèra de Torisme e Desvolopament Economic d’Aran, Anna Díaz.
Era conselhèra Díaz a hijut “era prepausa de potenciar eth Montlude coma un referent de nauta montanha entàs terçons de Irissa e Quate Lòcs ei pes sòns valors naturaus e tanben perquè ei accessible des d’aguesti cinc pòbles. Aguest hèt l’hè fòrça mès atractiu pr’amor qu’era rota d’accès e descens pòt éster diferenta damb finau tostemp en un d’aguesti cinc pòbles”.
“Un viatge dessenhades es rotes, es conselheries de Territòri d’Aran e de Torisme e Desvolopament Economic d’Aran haràn ua amassada damb es cinc alcaldes implicadi entà expausar eth projècte e consolidar-lo coma un objectiu comun” a soslinhat eth sindic d’Aran, Carlos Barrera.
Vielha, 11 de març de 2016
Conselh Generau d’Aran: Núria Sanjuan