• Connècte eth Pònt de Soberado damb era hònt deth Gressilhon, Uelhs deth Joeu, plan quèr dera Artiga.
Eth Govèrn d’Aran a convocat as bailes de Vielha e Mijaran, Es Bòrdes, Aubèrt e Vilac a ua reünion er 11 d’octobre entà analisar de forma conjunta es resultats der assag dera regulacion d’accès ara Artiga de Lin (Ermita- Plan dera Artiga) pendent es mèsi de junhsèga, agost e prumèra setmana de seteme.
En aguesta amassada tanben se prepausarà era recuperacion d’un camin istoric que connècte eth Pònt de Soberado damb era Hònt deth Gressilhon, Uelhs deth Joeu, plan quèr dera Artiga.
En inici d’aguest camin s’abilitarà ua zòna de parcatge naturau. Aguesta alternatiua facilitarà er accès a trauès d’aguest camin damb un temps de recorregut de lèu ua ora.
Eth petit recorregut deth camin dera aigua demorarà incorporat en aguest nau itinerari.
En paraules deth sindic d’Aran, Carlos Barrera, “era reünion damb es bailes a coma objectiu compartir prepauses entà potenciar era Artiga de Lin coma un entorn naturau de maximala excellència tant enes petiti recorreguts coma en inici dera rota aranesa ar Aneto”.
Vielha, 16 de seteme de 2016
Conselh Generau d’Aran: Núria Sanjuan