Deuant era actuau situacion pr’amor deth coronavirus COVID-19 e des conseqüéncies sociaus qu’en deriven tanben en Aran, eth govèrn deth Conselh Generau d’Aran met deman a compdar des 08:00 ores en foncionament ua naua linha telefonica de d’informacion e ressolucion de dubtes sanitaris e problèmes sociaus.

Totes aqueres persones qu’ac agen de besonh poiràn trucar ath 973 64 31 52, en orari de 08:00 a 20:00 ores de deluns a deluns, entà resòlver dobtes sanitaris respècte ath COVID-19 o ben tà sollicitar ajuda o supòrt derivat des mesures implementades pr’amor d’aguesta crisi.

Eth govèrn deth Conselh Generau d’Aran remèrque en tot cas, qu’aguest será un telefon de consulta e de sollicitut de supòrt, e qu’es persones qu’agen bèra emergéncia sanitària auràn d’adreçar-se coma d’abituda ar Espitau Val d’Aran (973 64 00 04), o ben a Pompièrs-Emergéncies (973 64 00 80).