Eth GRM inície era formacion deth protocol d’ipotèrmia e atencion a victimes de lauegi

Aguest protocòl a estat creat per un grop de trabalh format per personau deth Grop de Rescat de Montanha (GRM) de Pompièrs-Emergéncies e deth Servici Aranés de Benèster e Salut (SABS), e siguec presentat de forma oficiau era passada primauera dempús de dus ans de trabalh

Eth Grop de Rescat de Montanha (GRM) de Pompièrs-Emergéncies a començat dejà aguest iuèrn damb era formacion en protocòl d’ipotèrmia e tractament de victimes de lauegi a diferentes entitats e collectius relacionadi damb era montanha.

Hè dus ans que se creèc un grop de trabalh damb personau deth GRM e deth Servici Aranés de Benèster e Salut (SABS) entà aprovar aguest protocòl, presentat de forma oficiau era passada primauera e que aguest iuèrn dejà s’a metut en practica.

Aguesta formacion a estat impartida a toti es integrants deth GRM de Pompièrs-Emergéncies, era Associacion de Guides dera Val d’Aran e ara UIM des Mòssos d’Esquadra e contunharà damb eth personau sanitari deth SABS, es guardes des refugis, pisters dera estacion d’esquí Baqueira-Beret o es Grops de Rescat Especiau de Intervencion en Montanha (GREIM) dera Guardia Civil, entre d’auti.