• Era Jornada s’a desvolopat ena Bonaigua.

Eth Grop de Rescats de Montanha des Pompièrs d’Aran a organizat ua Jornada de formacion de rescats en lauegi ena que tanben an participat Baqueira Beret, eth Grop de Secours en Montagne C-r-s dera Gendarmerie Francesa, era Unitat d’Intervencion en Montanha des Mossos d’Esquadra e es Bombers d’Andorra.

Eth sindic d’Aran, Carlos Barrera, a manifestat “eth Govèrn d’Aran tostemp a priorizat era seguretat des persones que hèn activitat en entorn naturau dera Val d’Aran coma un des elements dera nòsta destinacion toristica d’esquí de nauta montanha e per açò era formacion contunha deth Grop de Rescats de Montanha des Pompièrs d’Aran ei prioritària entà arténher aguest objectiu de seguretat”.