Dempús de dus mèsi de recuperacion, eth joen rider aranés Aymar Navarro tornarà a competir ath mès naut nivèu era pròplèu sason 2015-2016, en tot auer artenhut resultats entre es 10 prumèrs classificadi dera maximala competicion dera Freeride World Tour a fauta de tres corses.

Eth vicesindic d’Aran e conselhèr d’Espòrts, Luís Carlos Medina, a soslinhat “son evidenti es risqui dera disciplina deth nòste esportista Aymar, ei fòrça valent en tornar ara competicion de naut nivèu e ei un orgulh entath nòste país que mos pogue representar internacionauments. Era Val d’Aran ei damb tu. Fòrça gràcies e demoram qu’ages fòrça èxits!”