Ena darrèra competicion dera sason 2014-2015, ena categoria junior ISU eth patinador aranés, Tòn Cónsul Vivar (FCB), artenhec era dusau posicion. Eth pòdi siguec format peth sòn companh deth FCB, Aleix Gabara, que se hec damb er aur e era tresau posicion siguec entath patinador francés, Andras Csernoch, deth club parisenc CSG CERGY.

Tòn comente “ara aurè pendent eth mes de junh quinze dies de vacances, ath delà çò premanint eth calendari d’entrenaments dera pròplèu sason 2015-16” eth joen aranés ahig “aguest ostiu entrenaré damb era equipa nacionau Italian en Milan e en Montreal (Canadà) damb es prestigioses entrenadores italianes Franca Bianconi e Rosy Murante e damb era canadiana Manon Perroni”.

Eth vicesindic d’Aran e conselhèr d’Espòrts, Luís Carlos Medina, a manifestat “Tòn ei un des joeni esportistes mès prometedors qu’auem ena Val d’Aran, ei un enorgulh que mos represente a nivèu nacionau e internacionau. Li brindam tot eth nòste supòrt e li desiram ua carrèra plea d’èxits en mon deth patinatge.”

Tòn Cónsul Vivar signèc un convèni damb eth Conselh Generau d’Aran entà promòir era destinacion toristica e esportiua Val d’Aran peth mon representada ena imatge e enes valors deth patinador aranés.