• Er aranés, Tòn Cónsul, finalizèc cincau ena categoria masculina júnior ena Challenge Cup (dera Haia, Païsi Baishi)

Tòn, arrincaue damb un element fòrça complicat, doble axel + triple toe, en quau auie ua caiguda. Instants dempús aterraue un triple salchow damb ua petita imprecision, un triple toe e de nau s’anaue tath gèu en un triple bucle, ath que li mancaue un shinhau de torn. Obtiege ua nòta de 82.75 punts, cincau melhor programa. En tot èster un patinador segur, damb bones piruetes e preséncia. En aguesta pròva, eth sòn objectiu ère eth minim mondiau júnior (42 punts tecnics) non ac artenhec, mès demorèc apròp (39.41).

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa deth que hè part, mejançant eth patrocini institucionau.