• Tòn somèc un totau de 146,79 punts en tot entrar en Top 15 deth Grand Prix Júnior de Logroño (15au).

• Er aranés artenhec era minima en programa long de cara ath Mondiau Júnior.

Eth passat dissabte, 3 d’octobre, se celebrèc era tresau e darrèra jornada deth Grand Prix Júnior de Logroño damb era participacion des gojats dera Equipa Nacionau Júnior de Patinatge Artistic sus gèu, entre eri er aranés, Tòn Cónsul Vivar, qu’amassa damb es auti dus patinadors dera Equipa realizèren ues granes accions, totes eres superèren es sues mèrques personaus.

Tòn Cónsul, realizèc ua actuacion eleganta, mès damb bères imprecisions. Maugrat açò, Tòn somèc un totau de 146,79 punts en tot entrar en Top 15 deth Grand Prix Júnior de Logroño (15au), e artenhent era minima en programa long de cara ath Mondiau Júnior e tanben en tot melhorar era sua mèrca personau. “Sò fòrça content de poder participar en aguest torneg, me’n vau damb fòrça bones sensacions”, explicaue Tòn.