• Pendent aguesta setmana, eth Servici Aranés de Benéster e Salut, organisme depenent deth Conselh Generau d’Aran, a començat a bastir ua marquesina en ua des entrades der edifici dera Residéncia Geriatrica Sant Antòni de Vielha.

Eth conselhèr de Salut e Benéster d’Aran, Eduardo Valdecantos, damb es tecnics.

En paraules deth conselhèr de Salut e Benéster d’Aran, Eduardo Valdecantos “damb aguesta marquesina se preten qu’es usatgèrs dera Residéncia de Dia damb mobilitat redusida, qu’utilizen eth transpòrt adaptat, siguen protegidi des inclemències meteorologiques”.

Segons eth sindic d’Aran, Carlos Barrera, “eth bastiment d’aguesta infrastructura s’emmarque laguens deth procès de melhora des equipaments sòci-sanitaris dera Val d’Aran qu’amie a tèrme eth Conselh Generau d’Aran, qu’an començat damb era prumèra fasa des òbres de reforma der Espitau de Vielha, en tot contunhar damb er aqueriment de dus locaus colindants ar Espitau e en tot finalizar damb era reforma deth quiròfan existent en Espitau Val d’Aran”.

“Ei ua prioritat d’aguest Govèrn era qualitat ena prestacion des servicis sòci-sanitaris. En aguest sens, pendent aguesti dies eth Govèrn d’Aran dispausarà d’un avantprojècte entath bastiment d’un naua residéncia en terren que crompèc eth Conselh Generau d’Aran er an 2003 ath costat der Espitau, en prevision d’ampliar es servicis sòci-sanitaris, competéncia deth Conselh” a soslinhat Barrera.

Contunham trebalhant tath nòste país.