• Aguest convèni ei de vitau importància entara Val d’Aran perque permet eth traslat des urgéncies sanitàries as espitaus francesi e regule era cooperacion, coordinacion e collaboracion enes traslats espitalaris d’urgéncia entre era Val d’Aran e es estructures de tractaments dera Haute-Garonne

Eth Govèrn d’Aran, a trauès deth Servici Aranés dera Salut (SABS), a renauït eth convèni de cooperacion damb eth Centre Hospitalier Comminges Pyrénées de Saint-Gaudens e eth Centre Hospitalier Universitaire (CHU) de Toulouse entà pr’amor de contunhar e melhorar eth tractament des urgéncies dera Val d’Aran qu’agen de besonh er accès ath CHU de Toulouse e/o ath CH Comminges Pyrénées.

Aguest convèni a per objecte regular era cooperacion, coordinacion e collaboracion enes trasllats espitalaris d’urgéncia entre era Val d’Aran e es estructures de tractaments dera Haute-Garonne realizats a cargue deth SAMU 31 e es traslats des intervencions primàries sus eth territòri aranés pes servicis deth SAMU 31.

Era sindica d’Aran, Maria Vergés, a manifestat: “Èm plan satisfèts peth renauiment d’aguest convèni de cooperacion que supause entath nòste territòri ua garantia entà balhar cobertura sanitària enes emergéncies”.

Vielha, 10 de març de 2023