Eth dia 2 de seteme, eth sindic d’Aran, Carlos Barrera, compareisherà en Parlament de Catalunya damb motiu dera tramitacion dera proposicion dera naua Lei sus eth regim especiau d’Aran.

En paraules de Barrera “era actuau Lei d’Aran creèc un govèrn damb capacitat de regir era cultura, patrimòni, sanitat, joenessa, servicis sociaus, torisme, medi ambient… e tanben mos a permetut potenciar era nòsta lengua, er aranés, fomentar-la e introdusir-la enes escòles”.

Er Estatut deth 2006 consagre era realitat d’Aran en Article numèro 11 e 94.

Barrera a hijut “trebalham entà garantir ath Conselh Generau d’Aran era suficiéncia financièra entar exercici deth sòn autogovèrn, en marc deth contèxt economic e financièr actuau”.