• Eth sindic d’Aran, Carlos Barrera, s’amasse damb eth conseller de Salut dera Generalitat de Catalunya, Boi Ruiz, entà presentar-li eth projècte des òbres de reforma der Espitau dera Val d’Aran.

Aguest maitin eth sindic d’Aran, Carlos Barrera, s’a amassat damb eth conseller de Salut dera Generalitat de Catalunya, Boi Ruiz, a on li a presentat eth projècte des òbres de reforma der Espitau dera Val d’Aran qu’afectaràn ar airau quirúrgic (damb ua dusau sala d’operacions e ua naua zòna d’obstetricia) e ar accès ara planta -1.

Ara reünion, que s’a celebrat en Conselh Generau d’Aran, tanben an assistit eth vicesindic prumèr d’Aran, Luís Carlos Medina, er alcalde de Vielha e Mijaran,Álex Moga, era directora deth Servici Aranés de Benéster e Salut, M. Àngels Borràs, er assessor en matèria sanitària deth Govèrn d’Aran, Francesc Fernàndez, eth gerent des regions sanitàries de Lleida e Naut Pirenèu e Aran,Josep Pifarré, e eth cap d’Unitat de Planificacion, Crompa e Avaloracion dera Region Sanitària Naut Pirenèu e Aran, Felip Benavent.

Pera tarde, eth conseller Boi Ruiz participarà en XIV Simposium Val d’Aran e enes I Jornades Farmaceutiques que se realizaràn en Parador de Vielha.