Era Universitat de Lleida ei er scenari deth XIau Congrés Internacionau dera Associacion Internacionau d’Estudis Occitans a on pendent es pròplèus dies se debaterà era situacion actuau e eth futur d’aguesta lengua.

Ei eth prumèr viatge que Catalunya acuelh aguest Congrés a on er occitan, aranés en Aran, ei lengua oficiau.

Eth sindic d’Aran, Carlos Barrera, amassa damb eth cap de Politica Lingüistica d’Aran, Jusèp Loís Sans, e eth cap de Cultura e Patrimòni d’Aran, Jèp de Montoya, an recebut en Conselh Generau d’Aran ara Associacion Internacionau d’Estudis Occitans, que se trapen ena UdL enquiath dissabte, dia 21 de junh, en tot realizar eth XIau Congrés Internacionau dera Associacion Internacionau d’Estudis Occitans, a on lèu de 200 especialistes de tot eth mon (Japon, EEUU, Alemanha,…) meteràn en común es sòns coneishements sus aguesta lengua.

Era UdL actuauments impartís era Catedra d’Estudis Occitans.

Era visita des congressistes ara Val d’Aran signifique conéisher de prumèra man era cultura e eth sòn patrimòni.