Vielha, 25 de juriòl de 2018.- Eth sindic d’Aran Carlos Barrera mantenguec agèr dimars, 24 de juriòl, ua amassada de trebalh damb era conselhèra de Presidéncia deth Govèrn dera Generalitat de Catalunya Elsa Artadi.

Pendent era amassada se tractèren es qüestions mès relevantes priorizades per equip de govèrn deth Conselh Generau d’Aran, coma son demanar er inici de negociacions deth nau modèl de finançament deth Conselh Generau d’Aran, atau coma auançar entà barrar es negociacions deth nau modèl de Pompièrs e Emergéncies dera Val d’Aran.

Dus des auti aspèctes tractats pendent era amassada sigueren eth compromís per part dera Generalitat dera naua residéncia geriatrica consorciada de Sant Joan de Les, e era ampliacion dera dotacion economica deth Plan Estrategic Sanitari laguens deth traspàs de competéncies de Salut der Aran, en encastre  der inici deth desplegament dera Lei 1/2015, deth 5 de hereuèr, deth regim especiau d’Aran.

Finauments tanben s’acordèc era celebracion d’ua Comission Bilaterau Govèrn dera Generalitat-Conselh Generau d’Aran era proplèu tardor.