Foto d’archiu deth passat mes de hereuèr deth sindic d’Aran, Carlos Barrera, en esbauçament dera carretèra d’accès a Canejan. 

Eth sindic d’Aran, Carlos Barrera, seguís damb es negociacions damb eth Departament de Territòri e Sostenibilitat dera Generalitat de Catalonha entà arténher eth finançament de besonh entà executar es òbres de mielhora dera carretèra d’accès ath pòble de Canejan.

Eth punt mès critic dera carretèra ei er esbauçament d’un tram de 32m a on era carretèra perdèc eth 50% dera sua amplada. Aguesta proteccion en concret a un còst de 100.000€.

Es autes actuacions ena rèsta dera carretèra an estat avalorades en 150.000€.

Eth pròplèu dia 22 d’abriu eth sindic d’Aran, Carlos Barrera, s’amassarà damb eth conseller de Territòri e Sostenibilitat dera Generalitat de Catalonha, Santi Vila, entà barrar eth compromís de finançament d’aguesta intervencion ena carretèra d’accès a Canejan en tot priorizar de forma immediata era execucion dera òbra der esbauçament, ei a díder, es prumèrs 100.000€ d’inversion.

Contunham trebalhant tath país.