• Eth sindic d’Aran, Carlos Barrera, a demanat ath Departament de Territori e Sostenibilitat un ajut extraordinari tar Ajuntament de Canejan (propietari d’aguesta carretèra) entà que pogue hèr frònt as òbres de reparacion mès urgentes.

• Degut as afectacions des ploges ena carretèra, ei restringit eth pas a veïculs pesants.

Eth sindic d’Aran, Carlos Barrera, eth baile de Canejan, Juan Carlos Lastera, e eth tecnic deth Conselh Generau d’Aran, Lluís Domingo, visitèren agèr pera tarde era carretèra de Canejan entà veir de prumèra man es afectacions produsides pes ploges.

En madeish moment, Carlos Barrera, se metec en contacte damb eth Director Generau de Carretères dera Generalitat de Catalonha entà sollicitar ua còpia deth projècte redactat en sòn dia peth madeish Departament tà saber eth còst dera melhora integrau dera carretèra d’accès a Canejan.

Per un aute costat, Barrera, auancèc ath Director Generau qu’aué, diuendres dia 27 de hereuèr, eth Govèrn d’Aran demanarie ath Secretari Generau de Territori e Sostenibilitat dera Generalitat de Catalonha un ajut extraordinari tar Ajuntament de Canejan entà hèr frònt as òbres de reparacion mès urgentes, ja qu’er Ajuntament ei eth proprietari d’aguesta carretèra.

Era carretèra de Canejan a eth transit restringit a veïculs pesants.