Eth Conselh Generau d’Aran non poderà expedir es sues pròpries licéncies de pesca ne tanpòc es permisi que deriven d’aguestes licéncies.

Era Generalitat de Catalonha interpausèc un recors contenciós administratiu en còntra dera Ordenança fiscau num. 4 reguladora dera taxa entara expedicion de permisi, licéncies e concorsi de pesca recreativa ena Val d’Aran.

Coma resultat deth recors interpausat pera Generalitat, eth Tribunau Superior de Justícia de Catalonha a adoptat coma mesura cautelara era suspension der article 3 e dera disposicion finau dusau dera ordenança, çò qu’ocasione qu’ eth Conselh non pogue expedir es sues pròpies licéncies de pesca.

Imatge: Societat de Caça e Pesca dera Val d’Aran