• Era sindica d’Aran, Maria Vergés, e eth vicepresident e conselhèr de Politiques Digitaus e Territòri dera Generalitat de Catalunya, Jordi Puigneró, s’an amassat aué en Conselh Generau d’Aran a on s’a presentat er Airau 5G.

Era sindica d’Aran, Maria Vergés, a recebut aguest maitin ena sedença deth Conselh Generau d’Aran ath vicepresident e conselhèr de Politiques Digitaus e Territòri dera Generalitat de Catalunya, Jordi Puigneró.

Eth vicepresident Puigneró a presentat aué ena Val d’Aran er Airau 5G, ua prioritat deth Govèrn, que vò dar supòrt ath desplegament d’aguesta tecnologia e hèr deth país un punt d’atraccion e demostracion tecnologica. Era Val d’Aran compdarà damb un airau especific 5G e qu’a nivèu tecnic se trabalhe dejà hè un temps.

En aguest sens, eth vicepresident Puigneró a manifestat: “Era melhora politica sociau que podem hèr aué dia pes nòsti ciutadans ei qu’agen trabalh, e , abordar eth rèpte de çò que significarà era tecnologia 5G ena Val d’Aran. Aguest Airau a de perméter qu’aguest sigue un punt a on se pogue accelerar aguest procès de desvolopament, d’Innovacion en encastre d’aplicacions tecnologiques deth que serà era tecnologia qu’es pròplèus ans serà determinant e que pòrte ath darrèr ua indústria de trabalh e de servicis fòrça important e que volem qu’ua part tanben se pogue desvolopar ena Val d’Aran”.

Pera sua part, era sindica d’Aran , Maria Vergés a soslinhat: “Era importància qu’es territòris de montanha compden damb eth desvolopament tecnologic de besonh entà comparar-se en drets e oportunitats as zònes urbanes” e higie qu’ “era connectivitat 5G mos a de perméter èster un laboratòri de pròves qu’impulse eth desvolopament sociau e de diversificacion economica en Aran”.

Vielha, 20 de mai de 2022